запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Դավիթ Սանասարյանը մարալիկցիներին կոչ արեց դադարեցնել բողոքի ակցիաները՝ «մնացածը հետո կերևա»

Պետական վերահսկողության ծառայության պետ Դավիթ Սանասարյանը հանդիպում ունեցավ Անիի համայնքապետ Արտակ Գևորգյանի հետ: Հիշեցնենք, որ բնակիչները տևական ժամանակ է՝ պահանջում են նրա հրաժարականը:

Դավիթ Սանասարյանը Արտակ Գևորգյանին տեղեկացրեց, որ իրենց աշխատակիցները կատարելու են ուսումնասիրություններ, և խնդրեց, որ համայնքապետը նրանց ներկայացնի պահանջվող համապատասխան փաստաթղթերը:

Դավիթ Սանասարյանը մարալիկցիներին կոչ արեց դադարեցնել բողոքի ակցիաները. «Մնացածը հետո կերևա»:

Մանրամասները՝ տեսանյութում:

ՀՀ քաղաքացիները լավատես են երկրի ապագայի եւ Նիկոլ Փաշինյանի կառավարության նկատմամբ. IRI

 

Հայաստանի քաղաքացիները մեծ լավատեսություն են ցուցաբերում երկրի ապագայի եւ վարչապետ Նիկոլ Փաշինյանի կառավարության նկատմամբ: Այս են վկայում International Republican Institute’s (IRI) Center for Insights in Survey Research իրականացրած հարցման արդյունքները: 

Համաձայն դրա, հարցվածների 82 տոկոսը նոր կառավարությանը դիտարկում է «շատ դրական»: 63 տոկոսը ցանկանում է ավելի արագ քաղաքական բարեփոխումներ տեսնել, իսկ 34 տոկոսը, հակառակը` նախընտրում է աստիճանաբար բարեփոխումներ: 

Հարցվածների գերակշիռ մեծամասնությունը կարծում է, որ Հայաստանն ընթանում է ճիշտ ուղղությամբ (73 տոկոս), 81 տոկոսը կարծում է, որ ապագան «անպայման ավելի լավն է», 44 տոկոսը «հույս ունեն, որ ապագան մի փոքր ավելի լավ կլինի»: 

Հարցումը նաեւ արտացոլում է կառավարության հակակոռուպցիոն ջանքերի նկատմամբ հարցվածների դրական մոտեցումները: Հարցվածների 80 տոկոսը կարծում է, որ երկրում կոռուպցիայի խնդիրը բարելավվել է, 15 տոկոսը կարծում են, որ խնդիրը մնացել է նույնը, եւ 2 տոկոսը կարծում են, որ իրավիճակը վատացել է:

«Այս հարցումը ցույց է տալիս, որ ստեղծվել է աննախադեպ հնարավորություն` առաջնորդվելով անհրաժեշտ բարեփոխումներով էլ ավելի ամրապնդել ժողովրդավարությունը Հայաստանում»,- հայտարարել է Եվրասիայում IRI տարածաշրջանային տնօրեն Ստեֆեն Նիքսը:

Ըստ նրա, եթե կառավարությունը ճիշտ ժամանակը չօգտագործի, ապա նա կանգնում է հանրային այս լավատեսությունը եւ դրական փոփոխություններ իրականացնելու ռիսկի առջեւ:

Արայիկ Խանդոյանը կհուղարկավորվի Եռաբլուր զինվորական պանթեոնում. Արծրուն Հովհաննիսյան

«Սասնա Ծռեր» խմբի անդամ, ազատամարտիկ Արայիկ Խանդոյանը կհուղարկավորվի Եռաբլուր զինվորական պանթեոնում: «Սասնա Ծռեր» կուսակցությունը դիմել է ՊՆ-ին այդ հարցով, ՊՆ-ն դրական պատասխան է տվել այդ դիմումին: Այս մասին ՀԺ-ի հետ զրույցում ասաց ՊՆ մամուլի խոսնակ Արծրուն Հովհաննիսյանը:

«Հուղարկավորությունը լինելու է համապատասխան արարողակարգով»,- նշեց Հովհաննիսյանը:

Հիշեցնենք, որ հոկտեմբերի 10-ի գիշերը, մահացել է ազատամարտիկ, «Սասնա Ծռեր» խմբի անդամ Արայիկ Խանդոյանը, որն ավելի հայտնի էր «Միայնակ Գայլ» մականունով: Արայիկ Խանդոյանը կալանավորվել էր 2016 թվականին՝ Ոստիկանության Էրեբունու ՊՊԾ գունդը գրավելու դեպքից հետո, իսկ օգոստոսի 17-ին դատարանի որոշմամբ ազատ էր արձակվել կալանքից:

Նյութի աղբյուրը՝ Հայկական ժամանակ

Երևանի ավագանին ընտրեց չորս մշտական հանձնաժողովների նախագահներ ու նախագահների տեղակալներ

Երևանի նորընտիր ավագանու առաջին նիստի ժամանակ ընտրվեցին Երևանի ավագանու չորս մշտական հանձնաժողովների նախագահներն ու նրանց տեղակալները: Երևանի ավագանու անդամները միաձայն Աշոտ Մնացականյանին ընտրեցին ֆինանսավարկային և տնտեսական հարցերի հանձնաժողովի նախագահ, Լևոն Հովհաննիսյանն էլ ընտրվեց հանձնաժողովի նախագահի տեղակալ:

Սաթենիկ Մկրտչյանն ընտրվեց Մշակույթի, կրթության և սոցիալական հարցերի հանձնաժողովի նախագահի պաշտոնում, նախագահի տեղակալի պաշտոնում էլ ընտրվեց Հակոբ Մելիքյանը: Քաղաքաշինության և հողօգտագործման հանձնաժողովը ևս նոր նախագահ ունի: Արսեն Կարապետյանն ընտրվեց նախագահի պաշտոնում, Մարկոս Հարությունյանն էլ հանձնաժողովի նախագահի տեղակալի պաշտոնում:

Երևանի ավագանին Իրավական հարցերի հանձնաժողովի նախագահ ընտրեց Արուսյակ Ջուլհակյանին, իսկ հանձնաժողովի նախագահի տեղակալ` Գայանե Մելքումյանին:

Երևանի ավագանու հաջորդ նիստը կկայանա հոկտեմբերի 13-ին:

Նյութի աղբյուրը՝ Առաջին լրատվական

Օդի ջերմաստիճանը վաղը կնվազի 6-12 աստիճանով

ՀՀ ԱԻՆ օդերեւութաբնական ծառայության փոխանցմամբ, հանրապետության տարածքում հոկտեմբերի  5-ին Լոռիում, Տավուշում, Սյունիքում եւ Արցախում, 6-ին Վայոց ձորում, Սյունիքում եւ Արցախում սպասվում է անձրեւ: Հոկտեմբերի 4-ին, 7-8-ը սպասվում է առանց տեղումների եղանակ: