запчасти для погрузчиков в москве запчасти для погрузчиков купить запчасти на погрузчик запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена Установка кондиционеров недорого Купить кондиционер в москве с установкой

Lakmus

Օբյեկտիվ դատական ակտը հուզեց Կարինեին...կարոտած հարազատի պես

Արսեն Մկրտչյան

Այսօր Երևանի բնակիչ Կարինե Երեմյանը՝ արդարադատությունից անակնկալի եկած, հուզմունքի արցունքներով է դուրս եկել վերաքննիչ քաղաքացիական դատարանից: Հուզվել է վաղուց մոռացված պաշտպանվածության զգացողությունից...

Արդարադատությունը անհետ կորած ու կարոտած հարազատի պես մի բան է դարձել, որի գոյությանը չես հավատում, բայց ՆԱ ի վերջո գալիս է...՝ հակասական զգացողություններով փշաքաղելով մարմինդ մինչև ոսկորներ:

Կարինեն «Լակմուսի» հետ զրույցում հուզախառն ձայնով իր ուրախությունն էր կիսում, որ իր բազմանդամ ընտանիքն ու փոքրիկ թոռնիկը դրսում չեն հայտնվի:

Առաջին ատյանի դատարանը հոգուտ նրա էր վճիռ կայացրել, և Կարինեն այն ժամանակ ևս ուրախությունից ցնցվել էր, բայց 6 տարի դատարաններում անցկացնելու դառը փորձը նրան թույլ չէր տալիս լիարժեքորեն զգալ արդարության, պաշտպանվածության բերկրանքը:       

Ալվարդ Հունանյան                  Կարինե Հակոբյան

Եվ ահա, ՀՀ Վերաքննիչ քաղաքացիական դատարանը՝ Արսեն Մկրտչյան, Կարինե Հակոբյան, Ալվարդ Հունանյան կազմով և վերջինիս նախագահությամբ, նոյեմբերի 16-ի դատական ակտով հաստատեց առաջին ատյանի դատարանի հիմնավորումները՝ փարատելով Կարինեի կասկածը. մերժեց Նարինե Ասատրյանի վերաքննիչ բողոքը և անփոփոխ թողեց Մալաթիա-Սեբաստիա վարչական շրջանի ընդհանուր իրավասության դատարանի վճիռը:

Ըստ այդմ, տարածված խարդախության երևույթի մեջ հայտնված Կարինե Երեմյանի բազմանդամ ընտանիքը Նարինե Ասատրյանին կվերադաձնի փաստացի վերցրած 3300 դոլարին համարժեք գումարը և ոչ թե կզիջի միակ կացարանը՝ 15,000 դոլար՝ ուրիշի վերցրած գումարի դիմաց:   

Հ.Գ. «Lakmoes.am»-ը ուրախ է՝ իր ընթերցողներին լավ լուր հայտնելու համար, և դրա բարոյական արժեքը բազմակի մեծ է, քանի որ այն արդարադատության ոլորտից է, որն  առանցքային է՝ մեր կյանքի բոլոր ոլորտների համար: Յուրաքանչյուր օբյեկտիվ դատական ակտ հույսի, վստահության, կայունության մեծ պաշար է բոլորի՝ քաղաքացու, դատավորի, իշխանության, պետության անվտանգության ամրապնդման համար: Եվ բոլորս մեր տեղում, մեր գործով ու բարեխղճությամբ պատասխանատու ենք մեր փոքրիկ հայրենիքի անվտանգության համար, որը դեռ նոր մարտահրավերների պետք է դիմակայի:     

Գործի մանրամասները՝ «Լակմուս»-ում     

http://lakmoes.am/iravunq/2408-2017-08-04-06-31-16