запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

«Կոնկրետ մարդկանց անուններ են նշված, կոնկրետ զենքի տեսակներ». Հայկ Ալումյան

Ինչպես հայտնի է, Ռոբերտ Քոչարյանի խափանման միջոցի վերաբերյալ դատախազության բողոքը քիչ առաջ ՀՀ վճռաբեկ դատարանը բավարարվեց մասնակի, իսկ Ռոբերտ Քոչարյանի պաշտպանների բողոքը մերժվեց: 

Հիշեցնենք, ՀՀ վճռաբեկ դատարանն այսօր որոշեց մասնակի բավարարել Ռոբերտ Քոչարյանի պաշտպանական խմբի հայցը` Ռոբերտ Քոչարյանի խափանման միջոցը կալանք ընտրելու վերաբերյալ, առաջին ատյանի եւ երկրորդ ատյանի դատարանները միմյանցից էապես տարբերվող որոշումներ էին կայացրել:

Հիշեցնենք, առաջին ատյանի դատարանը Ռոբերտ Քոչարյանին կալանավորելու միջնորդությունը բավարարել էր, իսկ Վերաքննիչ դատարանը Ռոբերտ Քոչարյանին ճանաչել է անձեռնմխելի, ինչի արդյունքում նա ազատ է արձակվել կալանքից: Որոշ ժամանակ անց ՀՔԾ-ն նրա նկատմամբ խափանման միջոց է ընտրել ստորագրություն չհեռանալու մասին: Հիշեցնենք նաեւ, որ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել վկայի կարգավիճակով՝ հարցաքննության։ Նույն օրը Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով, նա մեղադրվում է   այլ անձանց հետ նախնական համաձայնությամբ   Հայաստանի Հանրապետության սահմանադրական կարգը տապալելու մեջ:

Ռոբերտ Քոչարյանի պաշտպաններից Հայկ Ալումյանը լրագրողների հետ զրույցում ասաց, որ իր առաջին տպավորությունը բացասական է: Մանրամասն իր կարծիքը նա կհրապարակի որոշումը ստանալուց հետո: Նա չբացառեց, որ կդիմեն ՄԻԵԴ:

ՀՀ Վճռաբեկ դատարանի դատավոր Սերժիկ Ավետիսյանն այս գործով հատուկ կարծիք էր հայտնել: Ըստ Հայկ Ալումյանի, նիստի ժամանակ Սերժիկ Ավետիսյանի տված հարցերից, ինքը հասկացել է, որ նախագահի անձեռնմխելիության հետ կապված հարցերը ՀՀ օրենսդրությամբ հստակ կարգավորված չեն եւ դրանք ՍԴ-ի լուծմանը պետք է ներկայացվեն: Սերժիկ Ավետիսյանն առաջարկել է Վճռաբեկ դատարանի գործի վարույթը կասեցնել, հարցն ուղարկել ՍԴ:

Իսկ Ռոբերտ Քոչարյանն, ըստ Հայկ Ալումյանի, նիստի ժամանակ նաեւ անձամբ է իր փաստարկները ներկայացել, անդրադարձել է մեղադրանքի էությանը: Շատ մանրամասներ պաշտպանը չհրապարակեց, քանի որ նիստը դռնփակ էր:

Անդրադառնալով իրենց բողոքի հիմքերին էլ, Հայկ Ալումյանն ասաց, եթե գործը նորից Վերաքննիչ դատարան է գնալու`նոր քննության, այդ հիմքերն անիմաստ են դառնում: Քանզի պաշտպանների բողոքի հիմքերից մեկն էլ այն էր, որ Վերաքննիչ դատարանը մի շարք փաստարկների բավարար չի անդրադարձել: Հիմա, իրենք հետամուտ են լինելու, որ վերաքննիչ դատարանն ավելի մանրակրկիտ քննություն իրականացնի: Իսկ թե որո՞նք էին այդ փաստարկները, Հայկ Ալումյանը մանրամասնեց`արտակարգ դրություն հայտարարելու ՀՀ նախագահի հրամանագրի օրինակատարության հարցը ՍԴ-ի տիրույթում է, այլ ատյանի դատարան կամ դատավոր չի կարող դրա օրինականությունը վիճարկել, մինչդեռ Վերաքննիչ դատարանը հակասահմանադրական է որակել Ռոբերտ Քոչարյանի այդ հրամանագիրը: Երկրորդ հիմքն էլ այն է, որ մեղադրանքում կա «փաստացի ռազմական դրություն է մտցված եղել» ձեւակերպում: Ռոբերտ Քոչարյանի պաշտպանները ներկայացրել են ռազմական դրությունը բացառող նորմեր: Մեղադրանքում կան նաեւ ձեւակերպումներ, որ ցուցարարները եղել են խաղաղ եւ անզեն: Պաշտպանները վկայակոչել եւ ներկայացրել են, ըստ Հայկ Ալումյանի, տասնյակ վճիռներ, որոնք ապացուցում են ցուցարարների զինված լինելը. «Կոնկրետ մարդկանց անուններ են նշված, կոնկրետ զենքի տեսակներ: Մենք ասում են, որ մեղադրանքում չեն կարող լինել ձեւակերպումներ, որոնք հակասում են օրինական ուժի մեջ մտած վճիռներին»:

Հայկ Ալումյանն ասաց նաեւ, որ այսօր առավոտյան ինքը Վճռաբեկ դատարան է ներկայացրել 2008-ի մարտիմեկյան իրադարձությունների այն տեսանյութը, որում երեւում է, թե ինչպես են ցուցարարները ավտոբուսների ետեւից դուրս գալիս եւ կրակում: Այդ մասին, հիշեցնենք, դեռ այն ժամանակ հայտարարել էր Ռոբերտ Քոչարյանը: Տեսանյութն արդեն հրապարակվել է լրատվամիջոցներում:

Հայկ Ալումյանն անդրադարձավ նաեւ ՀՔԾ-ի`Ռոբերտ Քոչարյանի մեղադրանքի ավելացման հայտարարությանը: «Իրավական որակումը չի փոխվել, ինչ հոդված եւ գործողություններ մեղսագրվում էին, նույնը մեղսագրվում է: Մեղադրանքի մեջ բառերի քանակն է փոխվել, ուրիշ ոչ մի փոփոխություն ես չեմ նկատել»,- ասաց նա`պատասխանելով հարցին, արդյոք մեղադրանքը ծանրացվել է: