запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Հատուկ՝ ԱԽ-ի և գլխ. դատախազ Գևորգ Կոստանյանի համար

  Վերաքննիչ քրեական դատարանի դատավորների՝ Սևակ Համբարձումյան, Արարատ Պետրոսյան, Մանուշակ Պետրոսյան եռյակն ու Աջափնյակ և Դավիթաշեն վարչական շրջանների ընդհանուր իրավասության դատարանի դատավոր Մարինե Մելքոնյանին դատարան համարելը արդարացի չէ: Կոնկրետ Արտակ Ավդալյանի գործի շրջանակներում /մեղադրական դատական ակտը սեպտեմբերի 17-ին թողնվեց ուժի մեջ/ դիտարկելիս սա ավելի շուտ խոշտանգարան պետք է համարել, որտեղ ինչ-ինչ շահագրգռվածությունից ելնելով ՛՛2 միլիոնի վիրավորանք՛՛ են հասցնում նաև տուժողի իրավահաջորդ՝ Արամ Հակոբյանին: 

2 միլիոն տուր՝ աչքներս տեսնի. վերաքննիչում ճնշու՞մ են...

                                                                                                                                                                                                                      Ով կամ ովքեր են շահագրգռված Արտակ Ավդալյանին ամեն գնով դատապարտելու և նրանից  2 միլիոն ՛՛ստանալու՛՛մեջ:  Թեկուզ օրինական ուժի մեջ մտած դատավճիռ չկա, բայց Վերաքննիչ քրեական դատարանը՝ Արարատ Պետրոսյան, Սևակ Համբարձումյան, Մանուշակ Պետրոսյան կազմով և վերջինիս նախագահությամբ, ամբաստանյալի աթոռին հայտնված Արտակ Ավդալյանին համոզում է՝ տուժողի իրավահաջորդի ուզած 2 միլիոն դրամն առձեռն տալ նրան, որպեսզի քաղհայցի հարցը համարեն լուծված, ստորադաս դատարանի վճիռը հիմնավորված, պատժի մասով էլ մեղմ վերաբերվեն՝ համաներեն: Համենայն դեպս տպավորությունն այդպիսին է: 

՛՛Տնեցիք չգիտեն միլիցա եմ...՛՛, ՛՛ֆեյքն ո՞վ ա...՛՛

 

  Ինչ է լինում, երբ տեղեկատվական տեխնոլոգիաներն առաջ են անցնում օրենքից ու իրավունքից, պոլիտեխնիկի /ՀՊՃՀ/ նախկին կամ ներկա ուսանողներն էլ՝ ռեկտորից. վերջինս հայտնվում է սեքս-սկանդալի կենտրոնում, աղմկահարույց գործով դատարան եկած կին ոստիկանը թույլ չի տալիս լրագրողին՝ լուսանկարել իրեն ու պատճառաբանում՝ ՛՛Տնեցիք չգիտեն, որ ես ոստիկան եմ՛՛, բայց լուսանկարը ֆեյսբուքով ու ԶԼՄ-ներով հրապարակելուց հետո կիմանան: Սոցցանցերից չհասկացող դատավորն էլ, ով պետք է զրպարտության կամ վիրավորանքի վերաբերյալ հայց քննի, դատավարության կողմին փնտրելիս հարցնում է՝ ՛՛ֆեյքն ո՞վ ա...՛՛ 

300.000-ից ավելի եվրո՝ արվեստի չկայացա՞ծ բիզնեսի մեջ, թե՞ ՛՛քցոցի՛՛

Հայաստանում կարծես սկսում են գնահատել արվեստի գործերի բիզնեսը և լուրջ ներդրումներ անել: Երբեմն էլ լավ համոզում են, որ դա լուրջ փող բերող բիզնես է և ՛՛խաղի՛՛ մեջ մտցնում փող տվող գործընկերներին: Նրանք էլ մտնում են... ու կորցնում այնտեղից առանց վնասների դուրս գալու ճանապարհը. երբեմն ՛՛բիզնեսը՛՛ դառնում է քրեական գործ:      

 Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում քննվող մի քրգործով մեղադրյալը  66-ամյա Լիպարիտ Գրիգորյանն է: Նա մեղադրվում է խաբեությամբ՝ թանկարժեք նկար, կտավ գնելու և վաճառելու պատրվակով Մերուժան Բալոյանից /տուժողների ազգանունները փոխված են/  32.600 ԱՄՆ դոլարին համարժեք՝ 15.811.000  դրամ պահանջելու և ստանալու մեջ, որն օգտագործել է անձնական կամ այլ նպատակով և մինչ օրս չի վերադարձրել՝ խարդախությամբ տիրանալով առանձնապես խոշոր չափի այդ գումարին։

Լիպարիտ Գրիգորյանից տուժած երկրորդ անձը կին է.  Այս դեպքում էլ Լ. Գրիգորյանը խաբեությամբ՝ թանկարժեք նկարներ ձեռք բերելու և հետագայում դրանց վաճառքից գումար վաստակելու պատրվակով՝ Նատալիա Ավալյանից պարբերաբար ստացել է ընդհանուր 300.000 Եվրո գումարին համարժեք՝ 134.898.000 դրամ, որը խաբեությամբ հափշտակել և օգտագործել է անձնական կամ այլ նպատակով՝ Ն. Ավալյանին պատճառելով առանձնապես խոշոր չափի գույքային վնաս։

Դատաքննությունն ընթացքի մեջ է և դատարանը դեռ կպարզի՝ Լ. Գրիգորյանն իսկապե՞ս մեղավոր է, թե՞ անմեղ է և պարզապես ամբաստանյալի աթոռին է հայտնվել որոշ անձանց ինչ-ինչ խարդավանքների հետևանքով. համենայն դեպս դա ընդունված պրակտիկա է Հայաստանում:

Օրենքով գող Զապին փնտրում են, որ տանեն Չեխիայի բանտ

 

 

 

Պրագայի քաղաքային դատարանը պարտավորեցրել էր Զապ մականունով օրենքով գող Անդրանիկ Սողոյանին՝ մինչև սեպտեմբերի 1-ը ներկայանալ Պանկրացե բանտ: Այդ մասին հայտնում է Պրայմ-կրայմը /primecrime.ru/news/2014-09-02_5817/՝ հղում անելով չեխական հեռուստաընկերությանը:http://primecrime.ru/news/2014-09-02_5817

Հիշեցնենք, որ Սողոյանը մեղադրվում է 2007-ին հայ բիզնեսմենի նկատմամբ մահափորձ կազմակերպելու մեջ: Քիլլերը սխալմամբ դանակով հարձակվել էր այլ անձի վրա, իսկ մի քանի օր անց, կրկին սխալմամբ սպանել էր <Սազկա> ֆիրմայում աշխատող վարորդին: Ավելի վաղ Պրագայի քաղաքային դատարանը Սողոյանին դատապարտել էր 22 տարվա ազատազրկման /Գերագույն դատարանն այն թողել էր անփոփոխ/, իսկ նրա չորս համախոհներին՝ 12-18 տարվա պատժաչափերով ազատազրկման: Բայց մինչ այդ, 2010-ի ապրիլ ամսին և 2012-ի ապրիլին հենց նույն այդ դատարանը կրկնակի անգամ արդարացրել էր Սողոյանին: Երկու անգամ էլ Գերագույն դատարանը բեկանել էր գործը և ուղարկել վերաքննության: 2011-ի հունվարին հայտնի էր դարձել, որ Սողոյանը լքել է Չեխիան:

Եթե վերոնշյալ ժամկետում՝ մինչև սեպտեմբերի 1-ը Անդրանիկ Սողոյանը չներկայանար բանտ՝ պատիժը կրելու, ապա նրա նկատմամբ եվրոպական և միջազգային հետախուզում պետք է հայտարարվեր: Փաստորեն նա չի ներկայացել բանտ, և այժմ Չեխիայի իրավասու մարմինները քննարկում են հետագա քայլերը՝ կապված նրան հայտնաբերելու և ազատազրկումը կազմակերպելու հետ:  

 Հիշեցնենք, որ 2014-ի ապրիլ ամսից սկսված Զապի անունը լայնորեն շրջանառվեց օրենքով գող Օշականցի Գևորիկի և քրեական հեղինակություն Երրորդմասցի Լյովիկի ու նրանց կողմնակիցների միջև տեղի ունեցած ծեծկռտուքի առնչությամբ. դրանից հետո Սողոյանը մի քանի այլ քրեական հեղինակությունների, օրենքով գողերի հետ հեղինակեց հայկական բերդեր ուղարկված մի կասկածելի քսիվ, որով իրազեկում և հրահանգում էր բերդում գտնվողներին՝ Գևորիկի օրենքով գող մնալը համարել վերահաստատված, Երրորդմասցի Լյովիկին՝ տիտղոսազրկված: Իհարկե, դա բերդերում բունտի նախապատրաստման պատճառ դարձավ, սակայն դրսի սխոդկաներում հարցը հարթվեց առանց տիտղոսազրկումների: Թե որտեղ և ինչ հարցեր է այժմ լուծում ընդհատակում գտնվող Սողոյանը, հայտնի չէ: