запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Ֆրանսիան պատմության մեջ 2-րդ անգամ դարձավ Աշխարհի չեմպիոն

Կայացավ Աշխարհի 2018 թվականի առաջնության եզրափակիչը:

Բաղձալի գավաթի համար խաղում Ֆրանսիայի հավաքականը 4:2 հաշվով հաղթեց Ֆրանսիայի ընտրանուն:

18-րդ րոպեին Գրիզմանի՝ տուգանայինից փոխանցումից հետո Մանջուկիչը պատահմամբ գնդակն ուղարկեց սեփական դարպասը:

10 րոպե անց հիանալի գոլով հաշիվը հավասարեցրեց Իվա Պերիշիչը:

Եւս 10 րոպե անց նույն Պերիշիչը դարձավ հակահերոս. սեփական տուգանային հրապարակում ձեռքով խաղ, և մրցավարը նշանակեց 11 մետրանոց: Գրիզմանը դիպուկ էր՝ 2:1: 

59-րդ րոպեին հաշվենկատ հարվածով գոլի հեղինակ դարձավ Պոլ Պոգբան: 6 րոպե անց հեռու տարածությունից Մբապեն դիպուկ հարվածեց՝ հանելով հաղթողի վերաբերյալ հարցերը:

69-րդ րոպեին Լորիսը կոպտորեն սխալվեց, Մանջուկիչից գնդակն անդրադարձավ և հայտնվեց դարպասում՝ 4:2: Այսքանով ամեն ինչ ավարտվեց:

Ֆրանսիայի հավաքականը պատմության մեջ 2-րդ անգամ (առաջինը՝ 1998թ.) դարձավ Աշխարհի չեմպիոն:

 Աղբյուրը՝ «Թերթ»

Ֆրանսիան ուժեղ է երեւում. Լաուդրուպի մեկնաբանությունը

«Ռեալ Մադրիդի» ու «Բարսելոնայի» հայտնի նախկին խաղացող Միքայել Լաուդրուպը դժվարանում է կանխագուշակել՝ ով կլինի ֆուտբոլի ԱԱ 2018-ի չեմպիոնը՝ Ֆրանսիան, թե՝ Խորվաթիան: Դանիացին, որն այս օրերին ԱԱ-ում աշխատու է որպես փորձագետ, եզրափակչի վերաբերյալ մեկնաբանություն տվեց «Հայկական ժամանակ»-ին, որը Մունդիալը լուսաբանում է Ռուսաստանից: Նա նշեց, որ Ֆրանսիան վստահ է անցկացրել մրցաշարը մինչեւ եզրափակիչ հասնելը, սակայն միաժամանակ շեշտեց, որ եզրափակիչներն անկանխատեսելի են, ու մանրուքերը մեծ նշանակություն են ունենում:

«Իսկապես չգիտեմ, որովհետեւ գիտեք՝ ինչպես է եզրափակիչներում: Դժվար է ֆավորիտի ընտրել: Ֆրանսիան շատ ուժեղ է երեւում: Բոլոր խաղերում նրանք ուժեղ, կոմպակտ տեսք են ունեցել, լավ թիմ ունեն, բայց գիտեք, որ եզրափակիչները միշտ էլ յուրահատուկ են, եզրափակիչը եզրափակիչ, հետեւաբար դժվար է ասել»,- նշեց Լաուդրուպը:

Ֆուտբոլի աշխարհի 2018թ. առաջնության եզրափակիչ Ֆրանսիա-Խորվաթիա հանդիպումը կայանալու է հուլիսի 15-ին Մոսկվայի «Լուժնիկի» մարզադաշտում: Սկսվելու է 19:00-ին:

Երեւանի Դուրյան փողոցի ավտոտնակը հրդեհվել է

Հուլիսի 12-ին, ժամը 21:35-ին «911» ծառայությանն ահազանգ է ստացվել, որ Երևան քաղաքի Դուրյան 6 հասցեում  գտնվող ավտոտնակում (ներսում ավտոմեքենաներ կան) հրդեհ է բռնկվել. անհրաժեշտ է փրկարարների օգնությունը:

ԱԻՆ լրատվական ծառայության փոխանցմամբ` հրդեհի բարդության «ԲԻՍ-1» կանչով դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից չորս մարտական հաշվարկ, մեկ ջրատար, Աղետների բժշկության կենտրոնի հերթապահ բժիշկը, Ճգնաժամային կառավարման ազգային կենտրոնի արտակարգ իրավիճակների արձագանքման և օպերատիվ խմբերը: 

Պարզվել է, որ հրդեհը բռնկվել է Դուրյան 6 հասցեում գտնվող տան տանիքում և դրան կից ավտոտնակում (սեփականատերը՝ Մ. Մ.):

Հրդեհը մեկուսացվել է ժամը 22:26-ին, մարվել` 22:35-ին:

Այրվել են տան և ավտոտնակի տանիքի (260 քմ) փայտյա կառուցատարրերը (մոտ 10 քմ), ավտոտնակում` չորանոցը` իր սարքավորումներով (15 քմ), կայանած «Mercedes E», «Lexus RX350» և «Toyota Camry» մակնիշի ավտոմեքենաները: 

Գլենդելում կբացվի «Այցելիր Երևան-2800» խորագրով լուսանկարչական ցուցահանդես

ԱՄՆ Կալիֆոռնիա նահանգի Գլենդել քաղաքի Կենտրոնական գրադարանի և արվեստի կենտրոնում հուլիսի 13-23-ը կանցկացվի լուսանկարների ցուցահանդես՝ նվիրված Երևանի հիմնադրման 2800-ամյակին: Ցուցահանդեսն անցկացվում է Երևանի քաղաքապետարանի տուրիզմի բաժնի նախաձեռնությամբ:

Ինչպես «Արմենպրես»–ի հետ զրույցում նշեց Երևանի քաղաքապետարանի տուրիզմի բաժնի պետ Գևորգ Օրբելյանը, ով ներկայումս գտնվում է Գլենդելում, ցուցահանդեսն անցկացվում է «Այցելիր Երևան-2800» խորագրի ներքո, ներկայացված են մայրաքաղաքի թեմատիկ լուսանկարներ:

«Ցուցահանդեսում ներկայացված շուրջ 50 լուսանկարում պատկերված է 19-րդ դարի վերջերի և 20-րդ դարի սկզբների, նաև խորհրդային ժամանակաշրջանից մինչև մեր օրերի Երևանը: Հին ու խորհրդային շրջանի լուսանկարների բնօրինակներն այսօր էլ պահպանվում են Երևանի պատմության թանգարանի հավաքածուներում և արտատպվել են հատուկ այս ցուցահանդեսի համար»,-ասաց Գևորգ Օրբելյանը:

Ցուցահանդեսի պաշտոնական բացումը կլինի հուլիսի 13-ին, սակայն արդեն երկու օր է այն բաց է այցելուների համար: Գևորգ Օրբելյանը նշեց, որ ցուցահանդեսի նկատմամբ մեծ հետաքրքրություն կա ինչպես հայ համայնքի, այնպես էլ Լոս Անջելեսում բնակվող այլ ազգերի շրջանում:

«Ցուցահանդեսի այցելուներից բավական դրական արձագանքներ ենք ստանում: Շատերը հետաքրքրվում են, թե որտեղ է գտնվում Երևանը, ինչ զբոսաշրջային հնարավորություններ ունի: Ակնկալում ենք, որ այս ցուցահանդեսի միջոցով կբարձրանա Երևանի ճանաչելիությունը և հետաքրքրությունը մեր երկրի մայրաքաղաքի նկատմամբ, ինչն էլ իր հերթին կնպաստի տուրիզմի զարգացմանը»,-ասաց Գևորգ Օրբելյանը:

Երկարատև շոգն ազդում է գլխուղեղի աշխատանքի վրա

Երկարատև շոգը բացասաբար է անդրադառնում ոչ միայն տարեց մարդկանց առողջության, այլ նաև՝ երիտասարդների և երեխաների կոգնիտիվ ունակությունների վրա: Համապատասխան եզրակացության են եկել Հարվարդի համալսարանի գիտնականները:

Ինչպես նշվում է PLoS Medicine ամսագրում հրապարակված հոդվածում, Հարվարդի համալսարանի գիտնական Խոսե Սեդենյո Լորանը և նրա գործընկերները հետազոտություն են անցկացրել, որի ընթացքում գնահատել են օդի բարձր ջերմաստիճանի ազդեցությունը տարբեր տարիքի մարդկանց օրգանիզմների վրա:

Սեդենյո Լորանի խոսքով՝ իրենք ուսումնասիրել են շոգի ազդեցությունն ուսանողների վրա՝ ԱՄՆ-ի Մասաչուսեթս նահանգի Բոստոն քաղաքի հանրակացարաններից մեկում:

Նշվում է, որ հետազոտությանը մասնակցող ուսանողների կեսն ապրել է օդորակիչներով սենյակներում, իսկ մյուս մասը՝ ավելի հին շենքերում, որտեղ բացակայում են օդորակիչները:

Այսպես, գիտնականները գնահատել են՝ ինչպես են տարբեր պայմաններն ազդել մարդկանց ֆիզիկական և կոգնիտիվ ունակությունների վրա:

Այդ նպատակով Սեդենյո Լորանը և նրա թիմը պարբերաբար խնդրել են ուսանողներին հիշողությունը և ուշադրությունը ստուգող երկու պարզ թեստ անցնել: Օդի նորմալ ջերմաստիճանի պայմաններում բոլոր ուսանողները հավասարապես լուծել են առաջադրանքները, սակայն շոգի պայմաններում առանց օդորակիչի սենյակներում ապրող ուսանողների արդյունքները 13 տոկոսով ավելի վատն են եղել օդորակիչներով սենյակներում ապրող նրանց «մրցակիցների» արդյունքներից: Ընդ որում՝ արձագանքի արագության և պատասխանների ճշգրտության տարբերությունը երբեմն հասել է մինչև 30-50 տոկոս:

Գիտնականներն ընդգծել են, որ շոգն ավելի ուժեղ է ազդում տարիքով կամ քրոնիկ հիվանդություններով տառապող մարդկանց կոգնիտիիվ ունակությունների և արձագանքների արագության վրա, ինչը պետք է հաշվի առնեն թե՛ բժշկական, թե՛ սոցիալական ծառայությունները: