запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Ռուսաստանցի պաշտոնյաների նկատմամբ պատիժներ կլինեն Լոնդոնում

Մեծ Բրիտանիան կոռուպցիային և մարդու իրավունքների խախտումներին մասնակցած ռուսաստանցի պաշտոնյաների դեմ նոր խիստ պատժամիջոցներ կսահմանի ԱՄՆ-ի և Կանադայի կողմից արդեն ընդունված օրինակով, հայտնում է The Telegraph-ը:

Պարբերականի տեղեկություններով՝ այս հարցի շուրջ արդեն համաձայնության են եկել Մեծ Բրիտանիայի ԱԳ և ՆԳ նախարարներ Բորիս Ջոնսոնը և Էմբեր Ռադը:

Նրանք համաձայնել են, որ Մեծ Բրիտանիան ԱՄՆ ընդունած «Մագնիտսկու օրենքի» սեփական տարբերակը մշակի: Պարբերականը հստակեցնում է, որ այս ծրագրի մշակումը սկսվել է մինչև այն,  երբ Սոլսբերիում թունավորվել էին ՌԴ ԳՀՎ նախկին աշխատակից Սերգեյ Սկրիպալը և նրա դուստր Յուլյան: Ըստ որում՝ պարբերականը նշում է, որ կառավարական պաշտոնյաների կարծիքով՝ այս մահափորձի քննության մեջ շատ բան մատնացույց է անում դրան Մոսկվայի մասնակցությունը, չնայած կոնկրետ տվյալներ չեն բերվում: Ռուսաստանը, սակայն, բազմիցս հերքել է իր մասնակցությունը ԳՀՎ նախկին գործակալի մահափորձին:

Պահպանողականների ներկայացուցիչների փոխանցմամբ՝ օրինագիծը գտնվում է Ներկայացուցիչների պալատում: Պարբերականի զրուցակիցները հստակեցրել են, որ նախարարները համաձայնվել են ներդնել «Մագնիտսկու ակտի» նմանօրինակը, սակայն նախազգուշացրել են, որ կառավարությունը դիմադրում է դրա մեջ «առանցքային տարրեր» մտցնելուն, որոնք այս օրենքն իսկապես գործող կդարձնեն:

«Մագնիտսկու օրենքն» իր անվանումը ստացել է բրիտանական Hermitage Capital Management հիմնադրամի աուդիտոր Սերգեյ Մագնիտսկու պատվին: Նա բացահայտել էր ռուսական բյուջեից բազմամիլիարդանոց յուրացումների սխեմաները: Նրան կալանավորել էին սխեմաների ստեղծման մեղադրանքով, որոնցով հիմնադրամը խուսափել է հարկերի վճարումից, 2009 թվականին Մագնիտսկին մահացել էր «Մատրոսկայա տիշինա» մեկուսարանում: 2012 թվականին ԱՄՆ-ն ընդունել էր «Մագնիտսկու օերնքը» և պատժամիջոցներ սահմանել այն ռուսաստանցիների նկատմամբ, որոնք, Վաշինգտոնի կարծիքով, մասնակցել էին աուդիտորի մահվանը:

2018-ի փետրվարին Լատվիայի ԱԳՆ-ն «Մագնիտսկու ցուցակում» ընդգրկված 49 անձանց արգվելել էր երկիր մուտքը: Լիտվայում «Մագնիտսկու օրենքի» նմանօրինակն ընդունվել էր 2017-ի նոյեմբերին: