Թրամփը հայտարարել է չինական ապրանքների նկատմամբ նոր մաքսատուրքերի սահմանման մասին

Մանրամասները

Ստեղծվել է Երեքշաբթի, Սեպտեմբերի 18 2018, 09:36-ին

ԱՄՆ նախագահ Դոնալդ Թրամփը հայտարարել է Չինաստանից ներմուծվող ապրանքների նկատմամբ հավելյալ մաքսատուրքերի սահմանման մասին, հաղորդում է gazeta.ru-ն՝ Reuters գործակալությանը հղումով:

Նշվում է, որ խոսքը 10%-ի չափով մաքսատուրքերի մասին է, ինչը կազմում է շուրջ 200 միլիարդ դոլար: Նոր մաքսատուրքերն ուժի մեջ կմտնեն սույն թվականի սեպտեմբերի 24-ին:

Միևնույն ժամանակ ԱՄՆ նախագահը սպառնացել է անմիջապես անցնել մաքսատուրքերի խստացման հաջորդ փուլին, եթե Չինաստանը պատասխան քայլեր ձեռնարկի ԱՄՆ-ից ներկրվող ֆերմերական կամ արդյունաբերական արտադրանքիի նկատմամբ: