запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

ՀՀԿ-ը հրաժարվել է Ընտրական օրենսգրքի նախագծի քննարկումներից

 

Ընտրական օրենսգրքի նախագիծը պատրաստ կլինի առաջիկայում, խորհրդարանում լրագրողներին ասաց նախագծի հեղինակներից “Իրազեկ քաղաքացիների միավորում” ՀԿ նախագահ Դանիել Իոաննիսյանը: Նանախագծի վերաբերյալ հարցեր էր քննարկում Ծառուկյան դաշինք խմբակցությունում: Իոաննիսյանն ասաց, որ միայն ՀՀԿ խմբակցությունն է այս փուլում հրաժարվել քննարկումներից:

“Մեկ տառ գրելուց առաջ մենք բոլոր խորհրդարանական կուսակցություներին և արտախորհրդարանական ուժերին առաջարկել էինք քննարկել, մտքերի քննարկումներ անել: Բացի ՀՀԿ-ից, մնացած բոլորի հետ եղել են քննարկումներ, մտքերի փոխանակումներ: ՀՀԿ-ից հրաժարվեցին այդ քննարկումից: Պատճառաբանեցին, որ խորհրդարանում ստեղծվելու է համապատասխան հանձնաժողով, այդ ժամանակ կքննարկեն: Մենք ասացինք՝ չենք ուզենա նախագծի վրա աշխատանք սկսել՝ նախքան բոլորի հետ քննարկելը”,- ասաց նա:

Նախագիծը ներկայում մշակվում է քաղաքացիական հասարակության կողմից՝ կառավարության հետ համագործակցելով: Այնուհետև կառավարության կողմից ստեղծվող աշխատանքային խումբն այն ամբողջական տեսքի կբերի: Աշխատանքային հանձնաժողով է ստեղծվելու նաև խորհրդարանում:

Դանիել Իոաննիսյանն ասաց, որ Ընտրական օրենսգրքի բազմաթիվ դրույթներ փոփոխության են ենթարկվում, որովհետև օրենսգիրքը տեխնիկապես շատ թերի է և գրեթե նախատեսված չէ արտահերթ ընտրությունների համար:

Ինչ վերաբերում է ռեյտինգային ընտրակարգին, Իոաննիսյանն ասաց, որ ռեյտինգային ընտրակարգը հանվում է, լինելու է փակ համամասնական՝ պարզ ու բոլորին հասկանալի ընտրակարգ: Քննարկվում է նաև տեղական ինքնակառավարման մարմինների ընտրակարգը փոխելու հարցը:

Նյութի աղբյուրը՝ «Լրագիր»

Որ դեպքում Հայաստանը Սու-30ՍՄ կործանիչ կստանա

Ռուս փորձագետ Իվան Կոնովալովը Ռուսարմինֆոյի հետ զրույցում մեկնաբանել է Հայաստանին Սու-30 ՍՄ կործանիչ մատակարարելու հնարավորությունը:

Հիշեցնենք, որ օրերս Հայաստանի վարչապետ Նիկոլ Փաշինյանը Ֆեյսբուքի իրէջում լուսանկար էր հրապարակել արված կործանիչի խցից: Փաշինյանն այն անվանել էր լավագույններից մեկն աշխարհում, որից հետո ռազմական փորձագետները հայտարարել են, որ վարչապետը մտադիր է բանակցություններ սկսել չորրորդ սերնդի կործանիչի մատակարարման շուրջ:

Կոնովալովը նշել է, որ բանակցություններն ընթանում են դեռ 2012 թվականին: Նրա խոսքով` Սու-30 ՍՄ չի կարող մատակարարվել Ռուսաստանի ու Հայաստանի ռազմական համագործակցության, բարեկամական մատակարարումների շրջանակում:

Դրա համար Երևանը պետք է վճարի: Այդ դեպքում մատակարարումը հնարավոր կլինի և ոչ մի հարց չի լինի: «Դրանք կմատակարարվեն և ամենավերջին մոդիֆիկացիայով», –ասել է Կոնովալովը:

Իվան Կոնովալովը կարծում է, որ Սու-30 ՍՄ-ի մատակարարումը կարող է իրականցվել մինչև 2024 թվականը:

Նյութի աղբյուրը՝ «Լրագիր»

ԱԺ-ն առաջին ընթերցմամբ ընդունեց «Կուտակային կենսաթոշակների մասին» օրենքում փոփոխությունների նախագիծը

 

Ազգային ժողովն առաջին ընթերցմամբ ընդունեց «Կուտակային կենսաթոշակների մասին» օրենքում փոփոխություններ և լրացումներ կատարելու մասին օրենքի նախագիծը: Ինչպես հաղորդում է «Արմենպրես»-ը, նախագծին կողմ քվեարկեց 79, դեմ՝ 2, ձեռնպահ՝ 7 պատգամավոր:

Քվեարկությունից առաջ վարման կարգի վերաբերյալ ելույթ ունեցավ «Ծառուկյան» խմբակցության պատգամավոր Նաիրա Զոհրաբյանը: «Մենք միշտ դեմ ենք եղել կուտակային պարտադիր բաղադրիչի ներդրմանը, մենք մեր դիրքորոշումը չենք փոխել: Այս նախագիծը որոշակիորեն մեղմում է 1974թ. հետո ծնված երիտասարդների ֆինանսական բեռը, ովքեր համակարգի մասնակից են: Քննարկելով մեր գործընկերների հետ՝ մենք կողմ կքվեարկենք, պայմանով, որ կառավարության հետ կշարունակենք մեր քննարկումները կուտակային պարտադիր բաղադրիչը հանելու համար»,- ասաց Զոհրաբյանը:

Վարման կարգի վերաբերյալ ելույթ ունեցավ նաև ՀՅԴ խմբակցության ղեկավար Արմեն Ռուստամյանը: «Մենք այս նախագծին ձեռնպահ ենք քվեարկելու, որովհետև այն բարելավում պարունակում է, բայց չի լուծում կարևորագույն հարցը՝ պարտադիր բաղադրիչի վերացման հարցը: Այդ պարտադիր բաղադրիչը խաթարում է սերուդների համերաշխության սկզբունքը, խաթարում է անձի սեփականության իրավունքը: Մենք ձեռնպահ ենք քվեարկելու այս նախագծին»,- ասաց Ռուստամյանը:

Ազգային ժողովի «Ելք» խմբակցության պատգամավոր Էդմոն Մարուքյանն էլ հիշեցրեց, որ իր ելույթում արդեն հայտնել է իրենց դիրքորոշումը: Այսօր իրավիճակն այնպիսին է, որ սա հրատապ քայլ է, որ պետք է կատարվի, բայց քննարկումները պետք է շարունակվեն: Այդ իսկ պատճառով, որ կա բարելավում, մենք նույնպես կողմ ենք քվեարկելու»,- ասաց Մարուքյանը:

Սասուն Միքայելյանը մերժել է ԵԿՄ նախագահի պաշտոնը զբաղեցնելու առաջարկը

 

«Ժողովուրդ» թերթը գրում է. «ԱԺ պատգամավոր Սասուն Միքայելյանը մերժել է ԵԿՄ նախագահի պաշտոնը զբաղեցնելու ազատամարտիկների առաջարկը: «Ժողովուրդ» օրաթերթի հետ զրույցում էլ Միքայելյանը հայտարարել է. «Ես երբեք չեմ լինի ԵԿՄ նախագահ»։

Իսկ հարցին, թե «Ազատամարտիկների դաշինքը» ակտիվ քննարկումներ է սկսել տարբեր միությունների հետ, որոշել են ԵԿՄ-ում նոր համագումար անցկացնել եւ դառնալ կառույցի նոր ղեկավարություն, Միքայելյանը նշել է. «Ինձ թվում է՝ ԵԿՄ-ն պետք է լուծարվի, դառնա պատերազմ անցած մարդկանց ակումբ, մշակվի նոր կանոնադրություն: Այն մարդիկ, ովքեր մնացել են հետին պլանում, պետք է արժեւորենք, ապագա սերնդին ցույց տանք, թե ով էր դասալիք, ով էր հերոս։

Այսօր պատերազմ անցած տղաներ կան, որ իրոք քայլող լեգենդներ են, սակայն մի տեսակ անտեսված: Եղել է դու՝ ինձ, ես՝ քեզ, հոգեբանություն, մրոտել են մարդկանց անունները, ովքեր չեն հնազանդվել իրենց»։

Օրինական բառը չի նշանակում այդ ամենի ոչ նպատակային օգտագործում. ՊՆ խոսնակը պարզաբանում է

 

Հայաստանի պաշտպանության նախարարի մամուլի խոսնակ Արծրուն Հովհաննիսյանը պարզաբանում է ներկայացրել ավելի վաղ արած հայտարարության վերաբերյալ, թե ՀՀ պաշտպանության նախարարությունը կարիքների համար նախատեսված սնունդ և այլ պարագաներ օրինական է փոխանցել Երկրապահ կամավորականների միությանը: ՊՆ մամուլի խոսնակը ֆեյսբուքյան իր էջում կատարած գրառմամբ պարզաբանել է, որ ՊՆ կարիքների համար նախատեսված սննդի և այլ պարագաների օրինական փոխանցումը ԵԿՄ-ին բոլորովին և ոչ մի կերպ չի նշանակում, օրինական բառը վերաբերվում է այդ միջոցների ոչ նպատակային օգտագործմանը .

«Այսօր շատ երկար խոսելուց հետո կարծում էի անհրաժեշտություն չի լինի կրկին անդրադառնալու այս թեմային: Հարգելիներս, ՊՆ կարիքների համար նախատեսված սննդի և այլ պարագաների օրինական փոխանցումը ԵԿՄ-ին, բոլորովին և ոչ մի կերպ չի նշանակում, օրինական բառը վերաբերվում է այդ միջոցների ոչ նպատակային օգտագործմանը և այլն: Խնդրում եմ խոսքերս չաղավաղել:

Որևէ տեսակի միջոց, լինի դա օրենքի սահմաններում ՊՆ-ից ստացած, կամ այլ ճանապարհով ստացած, ոչ նպատակային օգտագործելը իմ անձնական ու զգացական գնահատականներից զատ նախ պետք է արժանանա իրավական հիմնավոր գնահատականի: Բայց այդ ամենը չի նշանակում ես ասել եմ, որ դրանք օրինական էին այդ տեղում գտնվում: Ոչ և վերստին ոչ, դրա գնահատականը թող տան իրավապահները: Ես ընդամենը ասել եմ, որ սնունդ և այլ պարագաներ ԵԿՄ-ն արդեն շուրջ քառորդ դար է ստանում է ՊՆ-ից, քանի որ ունի կամավորականներ,  որոնք մարտական ծառայություն են կատարում և կատարում է պահեստազորի դասընթացներ, բանակումներ»,- գրել է Հովհաննիսյանը:

Ավելի վաղ, Արծրուն Հովհաննիսյանը լրագրողների հետ զրույցում նշել էր, որ հատուկ Զինված ուժերի համար արտադրված իրերն ու մթերքները Երկրապահ կամավորականների միությանը փոխանցվել են օրինականճանապարհով:

Նյութի աղբյուրը՝ «Հայկական ժամանակ»