запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Հայաստանի նոր կառավարությունը վճռական է նոր խթան հաղորդել հայ-ռուսական բարեկամական հարաբերություններին. Նիկոլ Փաշինյանի ուղերձը

Վարչապետ Նիկոլ Փաշինյանն ուղերձ է հղել Հայ-ռուսական միջտարածաշրջանային 7-րդ ֆորումի մասնակիցներին:

Ուղերձում, մասնավորապես, ասված է.

«Ֆորումի հարգելի մասնակիցներ և հյուրեր,

Ջերմորեն ողջունում եմ ձեզ «Ռուսաստանի և Հայաստանի թվային նախաձեռնությունները ԵԱՏՄ թվային օրակարգի իրականացման շրջանակում» թեմայով Հայ-ռուսական միջտարածաշրջանային 7-րդ ֆորումի շրջանակում:

7 տարի առաջ՝ 2011 թվականին, Հայաստանը և Ռուսաստանը նախաձեռնել են հայ-ռուսական ֆորումի անցկացումը, որը գործնականում միավորել է Հայաստանի մարզերի և Ռուսստանի շրջանների, ինչպես նաև հասարակությունների և տարածաշրջանային բիզնեսի ներկայացուցիչներին:   

Նման պարբերականությունը, կլոր սեղանների շրջանակում քննարկվող լայն թեմաներով պլանավորված, դիտարկում ենք որպես հայ-ռուսական ռազմավարական փոխգործակցության հերթական դրսևորում:

Ավելին, այսօր միջտարածաշրջանային համագործակցությունը դարձել է դրա անբաժանելի մասը: 

Մեր երկրների առջև ծառացած են հիմնականում հավակնոտ խնդիրներ՝ ապահովելու առավալագույն հարմարավետ պայմաններ մեր քաղաքացիների կյանքի, բիզնեսի կազմակերպման, նոր արտադրությունների թողարկման համար, ստեղծել լրացուցիչ աշխատատեղեր ոչ միայն մայրաքաղաքներում, այլ նաև շրջաններում: Սա այն է, ինչին նպատակաուղղված են համապատասխան պետական ծրագրերը և հենց դրանցով են մոտիվացված կոնկրետ քայլեր՝ ուղղված շրջաններին ավելի բարենպաստ ստարտային պայմանների ներկայացմանը՝ տարբեր առևտրատնտեսական, մշակութային և հումանիտար ոլորտներում համատեղ ծրագրերի իրականացման նպատակով:     

Արագ փոփոխվող իրողությունները ձևավորում են նոր խնդիրներ՝ ընդգծելով նոր մոտեցումների մշակման անհրաժեշտությունը, որոնց մեծ մասը վերաբերում է թվային օրակարգին: Հավատում ենք, որ մեր երկրների կողմից իրականացվող թվային օրակարգը, որը համաձայնեցվել է Եվրասիական տնտեսական միության շրջանակում, թույլ կտա ոչ միայն կրճատել վարչական ծանրաբեռնվածությունը, համագործակցությանը հաղորդել ավելի ժամանակակից և թափանցիկ բնույթ, այլ նաև զգալիորեն կկրճատի գաղափարի ծագման և դրա իրականացման ժամանակը, նվազագույնի կհասցնի աշխարհագրական հեռավորությամբ պայմանավորված ծախսերը:   

Ակնկալում ենք, որ ֆորումի անցկացմանը, որը չի սահմանափակվում պլենար նիստերով, այլ ներառում է նաև մի շարք թեմատիկ կլոր սեղաններ, կհետևի նման նախաձեռնությունների աճը: Եվ այդ ձգտումները մենք կպաշտպանենք պետական մակարդակով՝ ստեղծելով անհրաժեշտ պայմաններ ներուժի բացահայտման և միջտարածաշրջանային համագործակցության արդյունավետության բարձրացման, տարածաշրջանների կայուն զարգացման համար: 

Երիտասարդ սերունդը պետք է շարունակի հայ-ռուսական համագործակցությունը և հանդես գա այն ընդլայնելու նոր նախաձեռնություններով: Ողջունում ենք ակտիվ երկխոսությունը, մեր եղբայրական երկրների երիտասարդների միջև ուսանողական փոխանակումները: Իմ կողմից ղեկավարվող Հայաստանի նոր կառավարությունը վճռական է նոր խթան հաղորդել հայ-ռուսական բարեկամական հարաբերություններին, և հատկապես միջտարածաշրջանային համագործակցությանը, քանի որ երկրի հավասար զարգացումը հանդիսանում է առաջանահերթ ուղղություն մեզ համար:

Հույս ունեմ, որ ֆորումի ընթացքում ներկայացված առաջարկությունները կգտնեն իրենց գործնական կիրառումը, կծառայեն խնդիրների լուծմանը, կնպաստեն հեռանկարային բիզնես և ներդրումային ծրագրերի իրականացմանը՝ ի շահ մեր երկրների ու ժողովուրդների:      

Ֆորումի բոլոր մասնակիցներին և հյուրերին մաղթում ենք բեղմնավոր քննարկումներ, հետաքրքիր հաղորդակցություն և ամենայն բարիք»:

Նյութի աղբյուրը՝ «Թերթ»

«Ադրբեջանցիների հերթական «զոհերը» կամ ԵԽԽՎ կոռուպցիոն բացահայտումների նոր «սերիան»»

Եվրոպայի խորհրդի խորհրդարանական վեհաժողովի գարնանային նստաշրջանում Արտաքին հետաքննող անկախ մարմինը ներկայացրել էր իր զեկույցը՝ ԵԽԽՎ-ում կոռուպցիոն գործընթացների վերաբերյալ։ Զեկույցում ընդգրկված են այն բոլոր պատգամավորների անունները, որոնք տարբեր ձևերով ընդգրկված են եղել հիմնականում Ադրբեջանի հետ կապված կոռուպցիոն գործարքներում։ Այժմ արդեն ԵԽԽՎ Կանոնակարգի հարցերի հանձնաժողովն առանձին որոշումներ է կայացնում զեկույցում ընդգրկված պատգամավորների նկատմամբ։

Ինչպես հայտնում է ԵԽԽՎ-ում ՀՀ պատվիրակության ղեկավար Արփինե Հովհաննիսյանը, ԵԽԽՎ ամառային նստաշրջրջանի ընթացքում Վեհաժողովի Կանոնակարգի հարցերի հանձնաժողովը շարունակում  է կոռուպցիայի վերաբերյալ զեկույցի բացահայտումների շուրջ իր աշխատանքը։ Մասնավորապես՝ հանձնաժողովը պատժամիջոցներ է սահմանել զեկույցում նշված պատգամավորների հանդեպ՝ տարանջատելով ներկա եւ նախկին պատգամավորներին:

Հանձնաժողովը քննարկել է 15 նախկին պատգամավորների գործերը, որոնց թվում են՝ Ագուստին Կոնդեն, Ալան Դեստեքսը, Ստեֆ Գորիսը, Անդրեաս Գրոսը, Գուլտակին Հաջիբայլին, Տադեուշ Իվինսկին, Զմագո Յելինչիչ Պլեմենիտի, Յաակո Լասկո,  Գորան Լինդբլադ, Էդուարդ Լինթեր, Մուսլում Մամմադով,  Լուկա Վոլոնտեն, Կարին Շտրենցը, Էլխան Սուլեյմանովը, Կարին Ուոլդսեթ։ Անդրեաս Գրոսի դեպքում հանձնաժողովը ԵԽԽՎ էթիկայի նորմերի խախտում չի հայտնաբերել։

Յուրաքանչյուր պատգամավորի դեպքը ուսումնասիրելուց և յուրաքանչյուր պատգամավորի կողմից Կանոնակարգի խախտման աստիճանը որոշելուց հետո  հանձնաժողովը սահմանեց հետեևյալ պատժամիջոցները՝ պատվավոր անդամի կոչումից զրկում, Եվրոպայի խորհուրդ և խորհրդարանական վեհաժողով մուտք գործելու իրավունքից ընդմիշտ զրկում։

«Հանձնաժողովը շարունակելու է իր աշխատանքներն այս ուղղությամբ և հետամուտ է լինելու կոռուպցիայի վերաբերյալ զեկույցի յուրաքանչյուր բացահայտմանը»,-ասել է Արփինե Հովհաննիսյանը։

Նյութի աղբյուրը՝ «Պանորամա»

Տարոն Մարգարյանը հրաժարականի դիմում է գրել. Դավիթ Խաժակյան

Երեւանի քաղաքապետ Տարոն Մարգարյանը հրաժարականի դիմում է գրել։ Այս մասին հայտարարել է Երեւանի ավագանու «Ելք» խմբակցության ղեկավար Դավիթ Խաժակյանը:

«Դիմումն արդեն գրված է, պարզապես հրապարակված չէ եւ կարծում եմ, որ մնում են մի քանի հարցեր, որ պետք է պարզաբանվեն, թե ինչ է լինելու հրաժարականից հետո, որպեսզի հրապարակվի»,-ասաց Խաժակյանը՝ հավելելով, որ նախորդ նիստին էլ քաղաքապետի բացակայությունը հենց դրա մասին էր վկայում:

Նշենք, որ նախորդ ավագանու նիստին Տարոն Մարգարյանը ներկա չէր առողջական խնդիրների պատճառով, նիստը վարել է Կամո Արեյանը:

Նյութի աղբյուրը՝ «Նյուզ»

Կոռուպցիայի դեմ պայքարում պետք է հետեւել օրինականությանն ու մարդու իրավունքների պաշտպանությանը. Վարչապետ

Վարչապետ Նիկոլ Փաշինյանի գլխավորությամբ տեղի ունեցած խորհրդակցության ընթացքում, որին մասնակցել են իրավապահ մարմինների ղեկավարները, քննարկվել է կոռուպցիայի դեմ պայքարի ընթացքը:

«Այսօր, կարծում եմ, Հայաստանում կոռուպցիայի դեմ պայքարն ամենաշատը քննարկվող թեման է և այդ ուղղությամբ լուրջ ակտիվություն կա իրավապահ մարմինների ու կառավարության կողմից: Դա բնական է, որովհետև կոռուպցիայի դեմ պայքարը հայտարարել ենք կառավարության կարևոր առաջնահերթություններից մեկը: Այս գործընթացի համատեքստում պետք է շատ խստորեն հետևել օրինականությանը, մարդու իրավունքների պաշտպանությանը, մարդու իրավունքները հարգելուն, որպեսզի իրավապահ մարմինների գործողությունների հետ կապված որևէ այլ մեկնաբանություն չլինի:

Մենք երբ Հայաստանում բացել ենք կոռուպցիայի դեմ պայքարի էջը, միևնույն ժամանակ փակել ենք քաղբանտարկյալների և քաղաքական հալածյալների, հնարավոր քաղաքական հալածանքների էջը: Շատ կարևոր է, որ իրավապահ մարմինների գործողությունները որևէ կերպ այլ մեկնաբանություն ստանալու իրական հիմք չունենան: Շատ կարևոր եմ համարում, որ մենք այս ֆորմատով գանք ընդհանուր հայտարարի և առաջինը՝ համոզված լինենք, որ կոռուպցիայի դեմ պայքարի պրոցեսը շարունակվելու է, երկրորդը՝ պրոցեսը շարունակվելու է առավել արդյունավետ և այս պրոցեսի ընթացքում երաշխավորվելու են մարդու իրավունքները, օրինականությունն ու ընդհանրապես հանրության շահերը»,- ասել է Նիկոլ Փաշինյանը:

Այնուհետև խորհրդակցության մասնակիցները վարչապետին զեկուցել են կոռուպցիայի դեմ պայքարի ուղղությամբ իրականացվող և առաջիկայում նախատեսվող աշխատանքները: Անդրադարձ է կատարվել իրավապահ մարմինների փոխգործակցության արդյունավետության բարձրացմանը վերաբերող հարցերին:

Նյութի աղբյուրը՝ «Հրապարակ»

Թրամփը հրաժարվել է Պենտագոնի ղեկավարի խորհուրդներից

ԱՄՆ նախագահ Դոնալդ Թրամփը այլևս չի լսում Պենտագոնի ղեկավար Ջեյմս Մեթիսի խորհուրդները։ Այս մասին հաղորդում է NBC News հեռուստաալիքը։

Հեռուստաալիքի աղբյուրն ասել է, որ Թրամփը և Մեթիսը վաղուց փակ հանդիպումներ չեն անցկացրել։ ԱՄՆ առաջնորդը կարծում է, որ Պենտագոնի ղեկավարը մեծամիտ է և դիտմամբ է դանդաղեցնում արտաքին քաղաքական նախաձեռնությունների իրագործումը։

Նշվում է, որ Իրանի հետ միջուկային գործարքից դուրս գալու Թրամփի որոշման մասին Մեթիսն իմացել է իր գործընկերոջից և ստիպված էր նախագահի հետ հեռախոսազրույց «կորզել»։ Նա նաև մյուսներից է իմացել ԱՄՆ-Հարավային Կորեա համատեղ զորավարժությունները դադարեցնելու մտադրության մասին։

Նյութի աղբյուրը՝ «Առաջին լրատվական»