запчасти для погрузчиков в москве запчасти для погрузчиков купить запчасти на погрузчик запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена Установка кондиционеров недорого Купить кондиционер в москве с установкой

Lakmus

Ովքեր կլինեն ԵԽԽՎ-ի չմերժած 3 հայ դատավորները

 

   Սեպտեմբերի 29- ին մեկնարկելու է ԵԽԽՎ աշնանային նստաշրջանը, որի  ընթացքում կարող է որոշվել, թե ով է դառնալու Մարդու իրավունքների եվրոպական դատարանում Հայաստանի դատավորը, եթե իհարկե մինչ այդ հայաստանյան մրցույթն ավարտվի, և ՀՀ-ն հասցնի իր երեք թեկնածուների անուններն ուղարկել Ստրասբուրգ։ Չի բացառվում, որ այդ հարցը լուծվի ԵԽԽՎ ձմեռային նստաշրջանում: 

Միջազգային իրավունքի լծակները՝ Քոչարյանի ու Պուտինի դեմ

  

  Հայաստանը ԵՏՄ և մնացած այլ անդունդները գլորվելու ընթացքը կասեցնելու երկու ճանապարհ ունի. կամ իշխանությունը պետք է համարձակություն ունենա և միջազգային ատյաններում դիվանագիտորեն բարձրաձայնի միջազգային իրավունքների որոշ նորմերի, սկզբունքների իմպերատիվության մասին և պաշտպանի Հայաստանի շահը՝ միաժամանակ սկսելով ռազմավարական նշանակության ոլորտների օտարման մեջ մեղավոր անձանց քրեական պատասխանատվության ենթարկելու գործընթաց, կամ եթե ՛՛անգործունակ է՛՛ ու ՛՛անիրավունակ՛՛ ՝պետք է սահմանափակել  նրա ՛՛ծնողական՛՛ իրավունքները և դրանք փոխանցել ՛՛հոգաբարձուին՛՛… Երրորդ ճանապարհը իշխանափոխության ճնշմանը դիմանալն է՝ եթե չմեղմվեն հանրության սոցիալական խնդիրները:

Երվանդ Զախարյանի հարուստ դատավոր որդին լքեց պաշտոնը

  ՀՀ նախագահ Սերժ Սարգսյանի սեպտեմբերի 16-ի հրամանագրով դադարեցվել է Երևան քաղաքի Մալաթիա-Սեբաստիա վարչական շրջանների ընդհանուր իրավասության առաջին ատյանի դատարանի դատավոր Արտակ Զախարյանի լիազորությունները: 

Գյուղացի Անդոն, Շինանյութի Սերգոն, Շմայսն ու Գվինեացի Ֆորտունատը

 

Ի՞նչ կանեք, եթե հանկարծ մի սևամորթ երիտասարդ հայտնվի ձեր կողքին և, ասենք, պապուասների առոգանությամբ, բայց հայերեն լեզվով հարցնի` ՛՛Ախպեր, ո՞նց ես...՛՛: Ձեր դեմքին անսպասելիորեն ժպիտ կհայտնվի, հետո` զվարճանալու համար գուցե մի քանի հարց էլ ավելի տաք, որից հետո ծանոթությունը կարող է վերածվել ընկերության, ընկերությունն էլ` ՛՛բիզնես-համագործակցության՛՛: Իսկ թե ում բիզնեսը կծաղկի կամ կչորանա դրանից` փորձեք կռահել:

 ՛՛Ֆորտունա՛՛` անգլերեն նշանակում էբախտ, հաջողություն,՛՛ֆորտունատ՛՛` բախտավոր, երջանիկ: Գվինեայի հանրապետության/Աֆրիկա/ քաղաքացի Ֆորտունատ Իկեմսինաչի Նվաիգվեն երևի հավատացել է իր անվան բախտավորությանը և սկսել փորձության ենթարկել իր բախտը նույնիսկ սոցիալական, տնտեսական ճգնաժամի մեջ գտնվող Հայաստանում:

  2012թ.-ին, գարնանային մի գեղեցիկ օր, Արարատի մարզի գյուղերից մեկի բնակիչ Անդրանիկ Բ. Դանոյանը դուրս է եկել հողագործական աշխատանքներ կատարելու: Մեկ էլ հանկարծ սևամորթ Ֆորտունատ Իկեմսինաչին հայտնվել է նրա կողքին. անակնկալի եկած Անդոն խոսք ու զրույցի է բռնվել նրա հետ: Ֆորտունատն սկսել է իրեն երևակայել շփոթված գյուղացու մոտ. ասել է, թե  նախկին ֆուտբոլիստ է, ոտքի վնասվածքի պատճառով թողել է սպորտը, հայրը եղել է Գվինեայի նախագահի թեկնածու, ում սպանել են և մորը2 մլն. դոլար փոխհատուցում տվել: Այժմ ինքը եկել է Հայաստան և ցանկանում է այդ փողի մի մասը այստեղ ներդնել և բիզնես սկսել. ավելի կոնկրետ` հողգնել` բիզնես-ծրագիր իրականացնելու համար: Անդրանիկն էլ մտածելէ, թե երկնքից բախտն՛՛ընկել է՛՛ուղիղ իր գլխին և առաջարկել է ժառանգությամբ ստացած հենց իր հողակտորը` համատեղ բիզնես հիմնելու պայմանով: ՛՛Լակմուս.ամ՛՛-ի տեղեկություններով` Անդոյի ու Ֆորտունատի հարաբերությունների ամրապնդմանը նպաստել է Գվինեայի քաղաքացի, Ֆորտունատի` Երևանում ապրող կինը` գեղեցկուհի Մարիամ Տրաորեն, ում Ֆորտունատը ներկայացրել է որպես իր քույր Ռոզի:

Այդպես Անդոյի վստահությունը շահած գվինեացի Ֆորտունատը մի օր էլ նոր հայ ընկերոջից 3000 դոլար է ուզել, որպեսզի վճարի Ֆրանսիայից եկած և՛՛Արմենիա Մարիոտ՛՛հյուրանոցում իջևանած քրոջ` հյուրանոցին պարտք մնացած գումարը: Սակայն այդ ժամանակ Անդոն միայն 1000 դոլար է տվել: Այնուհետև Ֆորտունատն ու Մարիամ Տրաորեն հանդիպել են Անդրանիկին, քննարկել իրենց համատեղ բիզնեսը և ձեռքի հետ էլ հարցրել նրանից, թե որևէ մեկին հոչի՞ասել այդ մասին: Բացասական պատասխան լսելուց հետո, Անդրանիկից 8000 դոլար են ուզել և ստացել` բիզնեսը ՛՛գործի գցելու՛՛ համար: Օրեր անց, Մարիամ Տրաորեն մի փակ դիպլոմատ է տվել Անդրանիկին և ասել, որ տանի իր տուն` մի լավ տեղ թաքցնի: Վերջինս այն թաքցրել է իր տան նկուղում: Մի օր էլ Մարիամն ու Ֆորտունատը եկել են, Անդրանիկի հետ իջել նկուղ. Մարիամը բացել է դիպլոմատը, այնտեղից հանել 100 դոլարանոց թղթադրամներ, գրել դրանց վրայի թվանիշերը, այնուհետև բժշկական ձեռնոցների օգնությամբ բամբակով, նրբաթիթեղով, ինչ-որ յուրահատուկ հոտով հեղուկով և սև թղթով սկսել են ՛՛մշակել՛՛ ձեռքի տակ եղած թղթիկները, որ 100 դոլարանոցից ՛՛ձագ՛՛ "ստանան՛՛: Այդ ընթացքում Անդրանիկին ուղարկել են` ջուր, մետաղ և էլի ինչ-որ բաներ բերելու: Քիմիական իրենց ՛՛ֆոկուսներն՛՛ ավարտելուց հետո գվինեացիները փակ դիպլոմատը հանձնել են Անդրանիկին և ասել, որ մշակված թղթերը պետք  է 2 օր չորանան: Գնալուց առաջ նրանք խոստացել են երկու օրից վերադառնալ, սակայն այդպես էլ չեն վերադարձել: Երրորդ օրը, ստիպված, Անդրանիկը բացել է դիպլոմատը և այնտեղ հայտնաբերել 8000 դոլարի կեղծ թղթադրամներ, որից հետո սկսել է փնտրել իրեն խաբած սևամորթներին: Արդյունքում գտնվելեն՛՛փող-տպող՛՛գվինեացիները և նրանց մեղադրանք է առաջադրվել նախնական համաձայնությամբ,վստահությունը չարաշահելու միջոցով առանձնապես     խոշոր չափերի խարդախություն կատարելու համար: Ըստ այդմ, նրանք Անդրանիկի համար կեղծ փող` ԱՄՆ 100 դոլար անվանական արժեքի թղթադրամներ պատրաստելու պատրվակով, միասնական հանցավոր մտադրությամբ, շարունակաբար, նախ 2012թ. ապրիլի 11-ին Անդրանիկից վերցրել է 1000 ԱՄՆ դոլար, իսկ հունիսի 2-ին ևս 8000 ԱՄՆ դոլար և խարդախությամբ հափշտակել առանձնապես խոշոր չափերով` 3.644.380 դրամին համարժեք 9000 ԱՄՆ դոլար:

՛՛Լակմուս.ամ՛՛-ի տեղեկություններով` դատաքննության ընթացքում Անդրանիկին հասցված վնասը մասամբ վերականգնվել է, ու Արարատի և Վայոց Ձորի մարզերի ընդհանուր իրավասության դատարանը, հաստատված համարելով մեղադրանքը` Ֆորտունատ Իկեմսինաչի Նվաիգվեին դատապարտել է 4 տարվա պայմանական ազատազրկման` 3 տարվա փորձաշրջանով:                  

Սակայն, ըստ լուրերի, Ֆորտունատից տուժածը միայն գյուղացի Անդոն չէ. գրեթե նույն ձևով ավելի հայտնի դեմքեր էլ են  ՛՛տուժել՛՛ և ավելի զգալի` 150.000, 50.000 դոլարի չափով: Խոսքը համապատասխանաբար եվրոշինանյութերի բիզնեսով զբաղվող, Եվրոպայի Սերգոմակ անվամբ Սերգեյ Մանուկյանի և ԱԺ պատգամավոր Շմայս մականվամբ Առաքել Մովսիսյանի մասին է, ովքեր Անդոյի նման գուցե չեն էլ հասկացել ՛՛ֆորտունա՛՛ բառի իմաստը, բայց երևի ենթագիտակցորեն ու միամտորեն կարծել են, թե Ֆորտունատի հետ ընկերություն անելու դեպքում էդ բախտից մի փոքր էլ իրենց կդիպչի և իրենք էլ կսկսեն մի քիչ ավելի հեշտ ապրել,  առանց ՛՛քրտնաջան աշխատանքի՛՛: Չար լեզուները նաև ասում են, որ նրանց վնասն այդպես էլ չի վերականգնվել,  քանի որ Ֆորտունատը Մարիամի միջոցով նաև ՛՛պաշտպանվել է՛՛. սովորաբար, եթե բողոքողներ են հայտնվում, նա իրավապահներին ասում է, թե իր կնոջը ՛՛բռնաբարել են՛՛: Այդպես էլ, ավելորդ աղմուկից խուսափելու համար քրգործեր կամ չեն հարուցվում, կամ  ՛՛ջրվում են՛՛, իսկ Ֆորտունատը կրկին հայտնվում է ազատության մեջ և ամիսներ անց որևէ մեղադրանքով կրկին հայտնվում ոստիկանությունում, դատարաններում:

Իսկ ինչ վերաբերում է Ֆորտունատին, ապա հերթական անգամ նրան մեղադրանք էր առաջադրվել` իրացնելու նպատակով թմրամիջոցներ, հոգեմետ  նյութեր ապօրինի պատրաստելու, վերամշակելու, ձեռք բերելու, պահելու, փոխադրելու, առաքելու կամ դրանք ապօրինի իրացնելու վերաբերյալ քրգործը քննվել է Երևանի Կենտրոն-Նորք-Մարաշ վարչական շրջանների ընդհանուր իրավասության առաջին ատյանի դատարանում:

 

Հ.Գ. Այնպիսի տպավորություն է, կարծես իշխանության մեջ լուրջ ազդեցություն ունեցող մի անձնավորություն, սեփական շահի համար Ֆորտունատին թողնում է ազատության մեջ`որոշակի անձանց շրջապատում, որպեսզի գայթակղիչ առաջարկներով վերջիններիս ներքաշի հանցավոր համաձայնության մեջ և կարողանա նրանցից տասնյակ հազարավոր դոլարներ ստանալ... անվերադարձ/թեկուզ` մասամբ/: Ով բողոքի` կդատվի կեղծ փող պատրաստելու կամ օրինակ ՛՛բռնաբարության՛՛ համար...  Իսկ եթե խոսքը բիզնեսմենի և պատգամավորի մասին է, ուրեմն սկանդալն ավելի մեծ կարող է լինել. կորցնելու վտանգի տակ կարող են հայտնվել բիզնեսն ու պատգամավորական մանդատը կամ հեղինակությունը: 

 

Վերջաբանի փոխարեն արձագանք. Նյութն արդեն պատրաստ էր տպագրության, երբ այս ուշագրավ պատմության  առնչությամբ, լրագրողներից մեկը փորձել էր  ստանալ և՛ ԱԺ պատգամավորի, և՛ գործարար  Սերգեյ Մանուկյանի մեկնաբանությունը, սակայն Շինանյութի Սերգեյի հետ հեռախոսով կապվել չէր հաջողվել, իսկ ԱԺ պատգամավոր  Առաքել Մովսիսյանն էլ հարցը լսելուն պես արձագանքել էր. ՛՛Աղջիկ ջան էդ մի բանն էր պակսում գլխիս, մնում էր էդ էլ կպցնեիք ու վերջ: Էդ էլ բռնեք գրեք... Ըտենց բան իմ հետ ո՞նց կարողա տեղի ունենար: Նրա հետ կապված, իմ հետ նման բան տեղի չի ունեցել: Կարող ա ինչ-որ չեմ իմանում մեկի հետ շփոթում ե՞ն:  Չէ, հաստատ իմ հետ տեղի չի ունեցել: Եթե տենց բան լիներ, ուրեմն պըտի վաղուց մեռած ըլնեյին: Հասկանալի ա՞: Թող ունենայի, թող քցեին, բայց որ չեն կարացել քցել, էլ խոսալու բան չկա՛՛:

 

                                                                                                          ԷլմիրաՄարտիրոսյան