запчасти для погрузчиков в москве запчасти для погрузчиков купить запчасти на погрузчик запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена Установка кондиционеров недорого Купить кондиционер в москве с установкой

Lakmus

Լիճքի սպանության գործով ամբաստանյալները «ցնդում են»...

Գեղարքունիքի մարզի Լիճք գյուղում, Իրիցյան եղբայրների նկատմամբ՝ երևանյան զինված խմբի մասնակցությամբ կատարված  խուլիգանության, սպանության գործով՝ նոյեմբերի 14-ին նշանակված դատական նիստը չկայացավ. Վերաքննիչ  քրեական դատարանի դատավորները սեմինարի էին:

Եվ մինչ Ռուզաննա Բարսեղյան, Մխիթար Պապոյան և Արմեն Դանիելյան դատական կազմը սեմինարի է, ավարտին է մոտենում սույն գործով 6 ամբաստանյալներից կալանքի տակ գտնվող միակ անձի՝ սպանությունը կատարած Արմեն Գորոյանի դատապարտության 3 տարվա ժամկետը...

Հիշեցնենք դեպքի մանրամասները՝ ըստ մեղադրանքի. Արմեն Գորոյանը Գեղարքունիքի մարզի Լիճք գյուղի բնակիչներ Էդգար և Էդուարդ Սրքոյանների, Աշոտ Ավետիսյանի, Երևան քաղաքի բնակիչներ Գառնիկ Նիկողոսյանի և Արիստակես Բարսեղյանի ու գործով չպարզված 4-5 անձանց հետ 2015 թ. հունվարի 26-ին` ժամը 15-ի սահմաններում, 5 ավտոմեքենաներով գնացել են Գեղարքունիքի մարզի Լիճք գյուղի Սևան-Մարտունի-Գետափ ավտոճանապարհին գտնվող բենզալցակայանի և դրան կից հասարակական սննդի սպասարկման ու ավտոտեխսպասարկաման կետերի տարածք: Այնտեղ վերջիններս պատահաբար հանդիպել են Լիճք գյուղի բնակիչ Արայիկ Իրիցյանին և Միշա Խաչատրյանին:

Գառնիկ Նիկողոսյանը մոտեցել է Արայիկ Իրիցյանին ՝ հայհոյանք տալով, հեգնական տոնով հարցրել է վերջինիս եղբոր՝ Արթուր Իրիցյանի գտնվելու վայրի մասին և պահանջել է կանչել նրան:

Նրանց է մոտեցել Արիստակես Բարսեղյանը և բռունցքով հարվածել Արայիկ Իրիցյանի քթին: Այդ ընթացքում Արմեն Գորոյանը շուրջ 5 րոպե հայհոյանքներ է տվել, նախապես ձեռքը վերցրած մահակով մեկ անգամ հարվածել Արայիկ Իրիցյանի գլխի գագաթային մասին՝ պատճառելով արյունազեղում: Այնուհետև Գորոյանը ոտքերով ու ձեռքերով հարվածել է Արայիկ Իրիցյանի մարմնի տարբեր մասերին:

Բացի այդ` Արմեն Գորոյանը նույն օրը, այդ դեպքից  րոպեներ անց, գտնվելով Լիճք գյուղի` Արցախյան պատերազմում զոհվածների հուշարձանի տարածքում, նկատել է, որ համագյուղացի, ծեծված Արայիկի եղբայրը՝ Արթուր Իրիցյանը և իր ընկեր Աշոտ Ավետիսյանը վիճաբանում են միմյանց հետ, Արթուր Իրիցյանը ձեռքին գտնվող զենքի խզակոթով ու բռունցքով հարվածել է Աշոտ Ավետիսյանին:

Երբ Արմեն Գորոյանը փորձել է մոտենալ նրանց, այդ ընթացքում ներկաները բաժանել են վիճաբանողներին, ու Արթուր Իրիցյանն իր ձեռքին գտնվող զենքը դրել է հուշարձանի պատի տակ ու Աշոտ Ավետիսյանից փորձել է պարզել իր եղբորը ծեծի ենթարկելու պատճառը և, այդ ամենը տեսնելով, Արմեն Գորոյանը, ապօրինաբար Արթուր Իրիցյանին կյանքից զրկելու դիտավորությամբ, մոտ 3 մետր հեռավորությունից իր կողմից ապօրինի կրած «Մակարով» տեսակի ատրճանակից մեկ անգամ կրակել է Արթուր Իրիցյանի որովայնի աջ կողմնային շրջանին՝ պատճառելով հրազենային, գնդակային, թափանցող, կույր վնասվածք, որի հետևանքով Արթուր Իրիցյանը Մարտունու բժշկական կենտրոնում նույն օրը մահացել է:

Եվ ահա այս խմբի անդամների գործողությունների համար առաջին ատյանի դատարանի դատավոր Յուրի Իսկոյանը Աշոտ Ավետիսյանին և Արիստակես Բարսեղյանին մեղավոր է ճանաչել տուժողի առողջությանը թեթև վնաս պատճառելու համար՝ ՀՀ քրեական օրենսգրքի 117 հոդվածով: Նրանց դատապարտել է տուգանքի՝ 100.000-ական դրամի չափով և արագ ազատել կարճաժամկետ կալանքից: 

Դատարանն արդարացրել է Գառնիկ Նիկողոսյանին, Էդուարդ և Էդգար Սրքոյաններին խուլիգանության մեղադրանքում և, որպես «նմուշ»՝ կալանքի տակ է թողել միայն «Կոնչիտա» մականունով հայտնի Արմեն Գորոյանին:

Ընդհանուր իրավասության դատարանը վերաորակել է Արմեն Գորոյանի մեղադրանքը, նրան անմեղ է ճանաչել խուլիգանության մեղադրանքում, դիտավորյալ սպանության մեղադրանքը վերաորակել է որպես անհրաժեշտ պաշտպանության սահմանազանցմամբ կատարված սպանություն և, մեղավոր ճանաչելով նաև ապօրինի զենք կրելու համար, դատապարտել է ընդամենը 3 տարվա ազատազրկման: Պատժի սկիզբը՝ 2015 թվականի հունվարի 27-ից:

Փաստորեն, մոտ երկու ամսից նա էլ կհայտնվի ազատության մեջ, եթե վերաքննիչ դատարանը դանդաղեցնելու փոխարեն չարագացնի դատավարության ընթացքը և չխստացնի դատական ակտը բոլոր ամբաստանյալների մասով՝ լիովին փոխելով առաջին ատյանի դատարանի չհիմնավորված պատճառաբանությունների ողջ տրամաբանությունը:  

Լուսանկարը՝ Գ. Շամշյանի 

Լուսանկարում՝ Արմեն Գորոյանը                                                                                        

                                                                                                 Էլմիրա Մարտիրոսյան