запчасти для вилочных погрузчиков запчасти для автопогрузчиков Ремонт и обслуживание погрузчиков Ремонт штабелеров и ричтраков Ремонт двигателя погрузчика Ремонт электропогрузчиков Ремонт дизельных погрузчиков Ремонт автопогрузчиков Ремонт вилочных погрузчиков ремонт погрузчиков Инверторные кондиционеры в москве Инверторные кондиционеры с установкой Купить кондиционер в москве Кондиционеры в москве недорого Кондиционеры с установкой недорого в москве Кондиционеры с установкой недорого в москве цена шоу бизнес россии видео прикол как лечить колени леди блог кулинарный рецепт

Lakmus

Ի՞նչ են եղել ԱԺ-ի հին ուղեգորգերը. նորը գնելու համար պետբյուջեից ծախսվել է 5.1 մլն դրամ

«Ժողովուրդ» թերթը գրում է. ««Ժողովուրդ» օրաթերթին հայտնի դարձավ, որ ԱԺ-ն դեռ մայիս ամսին ուղեգորգ գնելու համար ՀՀ պետական բյուջեից 5.1 մլն դրամ է ծախսել:

Պաշտոնական փաստաթղթերի համաձայն՝ ԱԺ-ն «Արմկարպետ» ՍՊԸ-ից գնել է ընդհանուր 600 հատ ուղեգորգ՝ յուրաքանչյուրը 8500 դրամ արժողությամբ: Ուղեգորգերի տեխնիկական նկարագրում էլ նշված է, որ դրանք պետք է պատրաստված լինեն որսի թելից ու պոլիպրոպիլենից, լինեն հակաալերգիկ ու հրակայուն: Իսկ արդեն վերջնական նախշերը պետք է համաձայնեցվեն պատվիրատուի հետ:

Մինչ այդ, հետաքրքիր է՝ ի՞նչ են եղել ԱԺ-ի հին ուղեգորգերը, որ հիմա նորերը ձեռք բերելու կարիք է առաջացել: Հատկանշական է փաստը, որ այս փաստաթղթերը ստորագրել է ոչ թե ԱԺ աշխատակազմի ղեկավար Արա Սաղաթելյանը, այլ ֆինանսական փաստաթղթերի պատասխանատվությունը դրվել է նրա առաջին տեղակալ Գագիկ Մխեյանի վրա»:

Նշաններ, որոնք վկայում են արյան մեջ խոլեստերինի բարձր մակարդակի մասին

Խոլեստերինի բավարար քանակն անհրաժեշտ է օրգանիզմի համակարգերի աշխատանքի համար: Այն պատասխանատու է օրգանիզմում մի շարք գործառույթների իրականացման համար, այդ թվում՝ որոշակի սեռական և վահանաձև գեղձի հորմոնների արտադրման համար:

Սակայն խոլեստերինի բարձր մակարդակն առողջության համար մի շարք ռիսկեր է պարունակում, ինչը նշանակում է, որ այն հարկավոր է վերահսկել:

Steptohealth.ru-ի հաղորդմամբ՝ մարդիկ հաճախ են անուշադրության մատնում այս խնդիրը: Իրավիճակը վատացնում է նաև այն հանգամանքը, որ խոլեստերինի բարձր մակարդակի դեպքում հստակ ախտանշաններ առկա չեն: Արդյունքում կարող են զարգանալ լուրջ խնդիրներ, այդ թվում՝ կապված լյարդի և սիրտ-անոթային համակարգի աշխատանքի հետ:

Կայքը ներկայացրել է մի քանի նշան, որոնք կարող են հուշել այն մասին, որ արյան մեջ խոլեստերինի մակարդակը բարձր է:

  • - Լյարդի և լեղապարկի հատվածում ցավի և ծանրության զգացում
  • - չորություն բերանում, բերանի խոռոչի գունատություն, որը հաճախ ուղեկցվում է նաև տհաճ հոտով
  • - ծանրություն որովայնում, նյութափոխանակության հետ կապված խնդիրներ, որոնք սրվում են՝ հատկապես յուղոտ մթերք օգտագործելուց հետո
  • - մեծ քանակով գազերի առկայություն, որովայնում տհաճ զգացողություն սննդի ընդունումից հետո
  • - հակվածություն փորկապության
  • - որոշակի մթերք յուրացնելու անկարողություն
  • - մաշկային ցան և քոր
  • - գլխացավ և միգրեն
  • - գլխապտույտ
  • - վերջույթների այտուցվածություն և թմրում
  • - տեսողության հետ կապված խնդիրներ:

ՀՀ պաշտպանության նախարարը փակ քննարկում է անցկացրել ՌԴ 102–րդ ռազմակայանի հրամանատարի հետ

ՀՀ պաշտպանության նախարար Դավիթ Տոնոյանը Փանիկում փակ հանդիպում է ունեցել ՌԴ 102֊րդ ռազմակայանի հրամանատար, գնդապետ Վլադիմիր Ելկանովի հետ։

Հուլիսի 17֊ին ռուսական 102-րդ ռազմաբազայի զինվորները, առանց տեղացիներին նախազգուշացնելու, զորավարժություններ էին սկսել Շիրակի մարզի այս համայնքում, հնչել էին կրակոցներ, պայթյուններ էին որոտացել՝ խուճապ ու սարսափ առաջացնելով գյուղում:

Հանդիպումից հետո նախարարը լրագրողների հետ զրույցում հայտարարեց, որ ռուսական կողմը «իրենց սխալը ընդունել են, ներողությունը պաշտոնապես խնդրել են և մենք արդեն հետևություններ ենք արել, որի արդյունքում լինելու է էլ ավելի համակարգված»։

Ի նշան բարեկամության՝ Շիրակի մարզի Փանիկ համայնքում հուլիսի 22-ին Գյումրիում տեղակայված 102-րդ ռազմակայանը կազմակերպել էր միջոցառում՝ զինվորական դաշտային հյուրասիրություն, համերգային ծրագիր՝ երգ ու պարով:

Միջոցառմանը ներկա էր նաև ՀՀ պաշտպանության նախարար Դավիթ Տոնոյանը: Նա 102-րդ ռազմաբազայի հրամանատար Վլադիմիր Ելկանովի, Շիրակի մարզպետ Կարեն Սարուխանյանի և Փանիկ համայնքի ղեկավար Վարդան Մակեյանի հետ նախ ծաղիկներ դրեց փանիկցի զոհված ազատամարտիկների և քառօրյա պատերազմում զոհված զինվորի գերեզմանին:

Նյութի աղբյուրը՝ «Ազատություն ռադիոկայան»

102-րդ ռազմակայանի ծառայողները խախտել են միջպետական համաձայնագիրը

Հուլիսի 17-ին Հայաստանում տեղակայված ռուսաստանյան (102-րդ) ռազմական կայանի ստորաբաժանումները զորավարժություներ են իրականացրել Շիրակի մարզի Փանիկ գյուղի տարածքում՝ հրաձգության ձայներով անհանգստացնելով գյուղի բնակիչներին:

Ուկրաինան «An-188» ռազմատրանսպորտային ինքնաթիռի արտադրությունը Թուրքիայի հետ կկազմակերպի

Ուկրաինան ցանկանում են ուկրաինական «An-188» ռազատրանսպորտային ինքնաթիռի նախագծումը, արտադրությունն ու փորձարկումները կազմակերպել Թուրքիայի հետ համատեղ:

Ermenihaber-ի փոխանցմամբ՝ թեմայի վերաբերյալ նախնական համաձայնություն է ձեռք բերվել Ուկրաինայի պետական պաշտպանական արդյունաբերական ընկերության՝ «Ուկրոբորոնպրոմի» (Укроборонпром) կազմում գործունեություն ծավալող «Անտոնով» ավիաշինական ընկերության և Թուրքիայի աերոտիեզերական արդյունաբերություն ընկերության միջև:

Ըստ «Ուկրոբորոնպրոմի» տվյալների՝ «An-188» ինքնաթիռի առավելագույն բեռնատարողությունը կազմում է մինչև 50 տոննա՝ ներառյալ ռազմական տեխնիկա, ուղղաթիռներ կամ մինչև 300 զինծառայող: Ինքնաթիռը կարող է վայրէջք կատարել ընդամենը 600-800 մ երկարություն ունեցող թռիչքուղիների վրա, այդ թվում` հողե մակերևույթ ունեցող:

Ըստ ուկրաինական կողմի հայտարարության՝ մոտ ժամանակներս թուրքական պատվիրակությունը համատեղ ձեռնարկություն հիմնելու համար անհրաժեշտ փաստաթղթերը պատրաստելու համար կայցելի «Անտոնով» ընկերություն կենտրոնական գրասենյակ: